#amjadislamamjad #urdupoetry #BizonTV
Subscribe Us: www.youtube.com/c/BizonTV
Production: Bizon TV
zindagi ke mele meN
KhvaahishoN ke rele meN
tum se kya kaheN jaanaaN
is qadar jhamele meN
vaqt kii ravaanii hai
baKht kii giraanii hai
sakht bezamiinii hai
saKht lamakaanii hai
hijr ke samandar meN
taKht aur taKhte kii
ek hii kahaanii hai
tum ko jo sunaanii hai
baat go zara sii hai
baat umr bhar kii hai
umr bhar kii baateN kab
do ghaRi meN hotii haiN
dard ke samandar meN
an-ginat jaziire haiN
beshumaar motii haiN
aankh ke dariiche meN
tum ne jo sajaayaa tha
baat us diye kii hai
baat us gile kii hai
jo lahuu kii Khilvat meN
chor ban ke aataa hai
lafz kii fasiiloN par
TuuT TuuT jaataa hai
zindagii se lambii hai
baat rat_jage kii hai
raaste meN kaise ho
baat taKhaliye kii hai
taKhaliye kii baatoN meN
guftguu izaafii hai
pyaar karne vaaloN ko
ik nigaah kaafii hai
ho sake to sun jaayo
ek din akele meN
tum se kya kaheN jaanaaN
is qadar jhamele meN !
Bizon is the one-stop station for exclusive contents. With the Hottest Entertainment News, features, events, Roadshows, Public Interviews, Popular Personalities Interviews, Current Affairs & many more.
#entertainment #urdupoetry #hindipoetry #currentaffairs #news #interviews #musicvideos #roadshows #personalities #shortfilms #documentaries
Website: www.bizon.tv
Facebook: www.facebook.com/bizontvofficial
Instagram: www.instagram.com/bizontvofficial
#amjadislamamjad #urdupoetry #BizonTV
Subscribe Us: www.youtube.com/c/BizonTV